Oguz Derbend velaÿatyndaky işlerini gutarandan soñra Şamahy ve Şirvana ilçi ÿollap şu habary berdi: "Bu ÿere gelenimizi eşidensiñiz, ÿetip baran her bir velaÿatymyz, biziñ buÿruklarymyza boÿun bolup, aÿdanlarymyzy diñlediler, ÿolumyzyñ ugrunda bize tabyn bolmadyk ÿurt, boÿun bolman, tagat-gullugy kabul etmedik bir hökümdar goÿmadyk, eger-de indi siz öz islegiñiz bilen bize il bolsañyz, jogap ÿollap gulluk görkezmegiñiz gerek, eger-de boÿun gaçyryp dikbaşlyk etjek bolsañyz, söveşe teÿÿar boluñ, biz-de şu ilçileriñ yzyndan derrev gelÿäris." Bu habar olara ÿetende, Oguzyñ ilçilerine köp yzzyt-hormat etdiler, tagat-gulluk ÿoly bilen, savgat edip-de dokuz gyr at ÿolladylar, özleriñde şäheriñ daşyna çykyp Oguzy garşy almaga teÿÿar boldylar. Oguz, Şamaha baranda on dört günläp ol ÿerde galdy. Şu günlerde Şaberan (Şirvan) velaÿatynyñ ilaty öz salgytlaryny getirip hazyna tabşyrdylar, ÿöne Şamahynyñ ilaty salgytlaryny tabşyrmakda gijä galdylar, ylalaşyk ÿolundan aÿrylyp ÿene duşmançylyk ÿoluny tutdylar ve garşylyk görkezip başladylar. Oguz her kimiñ bir gujak odun getirip Şamahyñ gafysyna ve töveregine yÿgnamagy ÿasak (buÿruk) etdi. Esgerleriñ hemmesi gidip hergaÿsy bir gujak odun getirdi, olar ÿakyldy. Gafy ve galalar ÿandy, söveşip şäheri aldylar hem-de taladylar. Şonda Şamahynyñ ilatyndan aÿal hem oglanlary (erkek-gyz) alyp gitdiler. İlatyñ ÿaşululary öz eden işlerinden pişman bolup, şäheriñ gafysynda Oguzyñ huzuryna gelip, özleriniñ bagyşlanmagyny hayÿş etdiler. 

Oguz, ilatyñ öz salgytlaryny bermegini, dikbaşlyk etmezliklerini şert goÿup ilatyñ hor ÿagdayÿny görüp aÿal ve oglanlary azad etdi (yzyna berdi), ÿöne salgyt aldy, Şähne belledi, ol ÿerden-de Arran ve Mugan taraflaryna ÿola düşdi. 
 

Dr. Farzad MARJANI, Civil Engineer, Ph.D. Ankara - TURKEY TEL      : +90 - 312 280 82 16 FAX     : +90 - 312 280 67 20 EMAIL : farzad@turkmens.com