Text Box: جهان دوْلي سن غافل سن
                                                                                                                                                                           تاج‌وردي پيكر

 

 

 

 

 

 

فراغي‌نينگ نأمه سن؟ ديين قوْشغوسيندا گتيرن شو سؤزلري اينه بير گون منينگ كويومي اؤزونه دارتيپ، بير نأچه غافل قاليپ باريان زادلاريميزينگ اوستوندن التدي. دوغرودان-دا آدام كأواغت اؤز گؤزونينگ آلينداقي زادلاري گؤرمأن قاليار. مثال اوچين كؤچه‌دن بارشينگا سن كأ واغت اؤنگونگدن گلن آدامينگ كيم‌ديگيني آنگماني سندن يازاندان سوْنگرا آنگيپ سلام برمأن گچه‌نينگه اؤكونيپ قاليارسينگ. سبأپ سن اوْني گؤروپ، گؤرمأنسينگ. هم گؤروپ‌سينگ هم غافل قاليپ‌سينگ و ش.م.


يؤنه همه غافل قاليان زادلاريميز شيله‌رأك بولسا اوندا اونگ اؤكونجي كؤپ بولمازدي.

اخلاق‌دا كؤپ زادلار بولوپ باريار، بيز اولاردان غافل. دأپ-دستورلاردا كؤپ زادلار اويتگأپ باريار، بيز اولاردان غافل. حورمات-سيلاغينگ اوْرني قاچيپ باريار، بيز اولاردان غافل. قاتناشيق‌لار اويتگأپ باريار. واخ آتا-بابالاريميزينگ ييغنانشيپ گيجه چيرانگ داشينا تگه‌له‌نيپ گچن‌لردن-بوْلان‌لاردان سويجي گوررونگ‌لر ادردي‌لر. اول زات‌لار ييتيپ باريار. بيز اولاردان غافل. شايد كأ آدملار زمان دگيشدي، اينديكي زمانينگ طلبي شيله، همه زات دوره-گؤره اويتگه‌مه‌لي دييسين‌لر. واخ شوندا بير سوراغ ذهينينگه گليأر. شو زاتلاري ايسلأپ اويتگديأريس مي يا بيزينگ كؤپي بايليق‌لاريميزينگ اويتگه‌يأنيندان خبرسيز قاليپ سونگ چأره‌سيز بوليار اوندا دييأريس مي؟

اگر اؤزوميز ايسلأپ اويتگديأن بولساق، اوندا كأن اؤكونجي بولمازدي. يؤنه قينانديريان زات غافل قاليانيميز.

قينانمالي زات كؤپ، يؤنه خاص قينانمالي زاتلاريميزينگ بيري انه ديليميزينگ اويتگأپ باريانيندان غافل قاليانديغيميز بولسا گرِك.

ايندي كؤپ يرده دوست-يارينگ اؤيونه بارانگ-دا چاغا خبر قاتيپ دگيشجك بولانگدا ايندي اؤزونگه-ده پارخ اديپ بارانوق شونگا كلاس چندمي؟ يا-دا نأچه اوقييانگ؟ دييرسينگ، سبأبي ايندي كلاس چندمي؟ ديينگده دوشونمه‌يأن چاغا باردير اؤيده‌نگوق يؤنه نأچه اوقييانگ؟ ديينگده، سنگ يوزونگه قانگراليان تاپيليا. شونگ اوچين ماسغارا بولماجاق بولوپ ايلكي كلاس چندمي؟ دييأنگ.

خاص بتر قينانديريان زات هم انه-آتانگ اؤز چاغالاري بيلن انه ديلده گپلشمه‌يانديغي.

توركمن ديلي باي ديل. اوندا قين حارپلار يرله‌شن، اوُ، او، اؤ، اوْ يالي حارپلار اوندا بار. پارس ديلي انگليس عرب ديلي و ينه باشغالار اونگ اوستونده قاوي يرله‌شيپ بيليأرلر. شونگ اوچين توركمن ديليني اؤوره‌نن چاغا بيله‌كي ديل‌لري اؤوره‌نيپ باشارماز ديين آلاداني اديپ يؤرمةلي دأل.

حورماتلي دوغانلار كؤپ زاتلاردان غافل قاليپ بارياريس. يؤنه شوُ انه ديلي بيزده بير امانت هر قايسيميزينگ بورجوميز بيله‌كي ديني-اخلاقي بورچلارينگ يانيندا شو انه ديلي-ده چاغالاريميزا گچيرمه‌گيميزدير.

اينه بو ماقصادا كؤپ زاتلار كمك بريپ بيلر. اولار نأمه؟ اوني همه‌لر بيلر. يؤنه همّأميزينگ ديل بيريكديريپ بير اليپ‌بي-يه اوُيماغيميز، ابتدايي كلاسلاردا توركمن ديليني اؤورتمك. شونگا كمك برجك زادلاردان بولسا گرِك.

بيز اگر شو مهمي اونگات صوراتدا اونگارساق، حؤكمان آق توقاي‌دا ياتان پيرينگ روحي شاد بولار.